Katalogu Ai To'os

Díli-Sekertariu estádu kultura (SEK), Virgilio Smith, Iha loron 12 fulan Abril foin lalais ne’e komesa lansa oa katálogu ne’ebe ho titulu Koleksaun Ai To’os.

Lansamentu ne’ebe hala’o husi Sekertáriu Estádu Cultura, Virgílio Smith, Akompaña husi Embaixadór Japaun, Yoshitaka Hanada, Reprezentante UNESCO husi Jakarta, Answar Al-said.

Iha serimonia lansamentu ne’e, Sekertáriu Estádu, Virgílio Smith, hateten katak, iha katálogu ida ne’e ko’alia kona ba ai to’os no estátua husi ai. Ai-to’os ho Estátua reprezenta Timor Leste nia ekpresaun cultural material.

“ida ne’e mak simbólu tradisaun ita nian liu husi ai to’os no estátua sira ne’e mak ita nia serimónia tradisionál, liu husi ai to’os ho estátua sira ne’e mak ita harohan, ita oferece sakrifisiu ba ita nia matebian no bei ala sira,” deklara Sekeretáriu Estadu ne’e iha lansamentu.

Maski nune’e reprezentante UNESCO, anwar Al-Said husi Jakarta-Indonesia, hateten katak, sira ksolok iha Timor Leste ne’e no primeiraves no nia parte sente duni atu ligadu servisu ba projetu ida ne’e.

“Ami nia prezervasaun ne’e mós halo parte ba valorizasaun ne’ebe reprezenta patrimóniu kultura material no immaterial Timor-Leste nian ne’ebe sei sai istória ida ba estudante sira no peskizadór sira no fó ba ema sira ne’ebe iha interese ba kultura timor leste nian, no ida ne’e mak oinsá instituisaun bele hala’o, ne’e mak dalan ida oinsá atu transmit kultura husi jerasaun ida ba jerasaun tuir mai,” dehan Anwar. (Timor Post, 21 de Abril de 2012)